Powered By Blogger

الثلاثاء، 19 يونيو 2012

تـــدشين حملة التـــدوين الشهـــرية :)





بما إني بقيت كســـــــــــــولة ومش نشيطة زي زمان .. وكان بقالي فترة بشاور عقلي أعمل مدونـــــــــة ولا بلاش بعد ما رجعت أكتب تاني بعد انقطـــــــــــاع كبيـــــــــــر قوي دام سنين  ..

شفت إيفنت "حملة التدوين اليومية" لمدة شهر .. كانت المفروض تبدأ 1 يونيه .. وأنا عشان كده اتحمست وعملت المدونة ف الوقت ده وقلت أشارك .. بس بما أنها هتكون بداية من بكرة 20 يونيه إن شاء الله .. فأنا بتمنى الخير للكل وبتمنى أقدر ألتزم فيها لأنها أول مرة ليا، وموضوع المدونات لسه جديد عليا :)

أخص بالشكر أ/ خالد ناجي اللي عزمني ع الايفنت، وأ/شيرين سامي اللي شجعتني أعمل مدونة وأختار اسمها بسرعة بسرعة وفي وقت قياسي .. معرفتكم خير جــــــميل ويا رب يديم المحبة والمــــعرفة الطـــيبة.     

وبإذن الله تكون تجربة جميلة .. :))) يا مسّــــــــــــهــــــــــل


هناك 20 تعليقًا:

أحمد أحمد صالح يقول...

أنا عامل مدونتي من 2007 نشرت فيها حوالي خمس مرات و انقطعت و لم أعود الا الان بسبب حملة التدوين هذه بعد دعوة من دكتورة شيرين- و ربما هي لا تعلم اني ادون-،و أيضا بسبب زن رحاب أختي عليا- رغم ان ده جه على دماغها!!-و الأهم أنني عندي من الوقت هذه الفترة الكثير و ليس هناك أفضل من قضاءه في القراءة والكتابة،و انا مثلك أتمنى ان أستمر في الكتابة خلال الشهر،و ان أستمر بعدها أيضا,و ان كان هذا سيكون صعب لأنني قد أعود لعملي في الصحراء،و لكن يكفيني ما تتيحه لي الظروف من فرص الكتابة و القراءة..بالتوفيق و دوما سنتابعك و ننتظر جديدك

Hoda Allam يقول...

و انا بشكرك انتي علشان عرفتيني ع الفكرة الممتعة دي بعد ما اخدت جرعة احباط كبيرة في الكتابة الفترة اللي فاتت .. كنت محتاجة اوي حاجة تشدني و الحمد لله لقيت مجموعة كبيرة من الكتّاب المبدعين نتشارك سوا
ميرسي يا سلمى :)

Salma Hesham Fathey يقول...

شكرا جزيلا أحمد

فعلا موضوع حملة التدوين ديه هي اللي خلتني أتشجع وأعمل المدونة.

طبعا أنا شفت أن مدونتك فيها بوستس من سنة 2007، عجبني شكلها، اسمها والموسيقى كمان اختيارات جميلة جدا هو لسه مقريتش، بس ناوية أتابع كل جديدك وأقرأ التدوينات القديمة كمان طبعا إن شاء الله ..

وبرافو على تشجيع اختك لك .. تحية كبيرة لرحاب :)

ربنا يديم نعمة القراءة والكتابة :)

ده لينك حسابي على جودريدز، لسه جديدة فيه برضه بس بحاول استكشف:

http://www.goodreads.com/user/show/6391071-salma-fathey

شكرا جزيلا :)

Salma Hesham Fathey يقول...

ميرسي يا هدى ليكي وربنا يخليكي،

إن شاء الله تكون تجربة ظريفة وكلنا نستفيد منها خصوصا مع الظروف الصعبة اللي بتحصل حوالينا .. أنا كمان مبسوطة بمعرفة ناس مبدعين لأني جديدة برضه ع التدوين.

بالتوفيق وإلى الأمام :)

لحاف وبطانية ومخدة يقول...

ربنا يوفقك ياسلمى وان شاء الله تكون خطوة كويسة ليكي

Salma Hesham Fathey يقول...

شكرا يا لحاف وبطانية ومخدة :)

شكرا سارة ربنا يخليكي .. اسم عسول قوي . ناقص بس السرير

Unknown يقول...

بالتوفيق ان شاء الله

أسماء علي يقول...

أحيانا بنحتاج تشجيع للكتابة
الجميل إننا هنتابع بعض كأسرة كبيرة شوية :)

zeze يقول...

ربنا يوفقنا جميعا ان شاء الله
وربنا يكرمك يا حبيبتي ونبقي اخوات في الله

الطائر الحزين يقول...

لعلها بداية للعودة للتدوين

رؤى عليوة يقول...

سلمى مرحبا بك فى عالم التدوين
اكيد هتلاقيه ممتع جدااااااا

واكيد كمان هتلاقى هنا ناس مختلفين عن اى مكان تانى حتى هما نفسهم على الفيس مختلفين عن هنا :))

دمت بخير

حَنيّـن نِضال يقول...

نورتينا وسعيده انك معانا في الحمله التدوينية :)

:

اللقاءات مسنمرة .. كوني بخير

نيسآان يقول...

اهلا وسهلاً ...بالتوفيق والاستمرار الدائم ان شاء الله ...وبأنتظار المواضيع اللذيذه:)

Salma Hesham Fathey يقول...

أستاذ محمد عامر،

شكرا لك .. بالتوفيق للجميع إن شاء الله :)

Salma Hesham Fathey يقول...

عزيزتي أسماء علي،

فعلا احس اننا عائلة كبيرة .. ربنا يديم المحبة والعرفة ونشجع بعض ع الكتابة برضه :)

Salma Hesham Fathey يقول...

شكرا زيزي ..

بالتوفيق للجميع إن شاء الله :)

Salma Hesham Fathey يقول...

الطائر الحزين ..

شكرا لمرورك .. الصراحة دي أول مدونة أعملها بس مبسوطة جدا بمعرفة الناس والمدونين والتجربة عموما .. عالم جميل نستمر فيه جميعا ان شاء الله :)

Salma Hesham Fathey يقول...

شكرا جزيلا رؤى

هو فعلا أنا أبتديت أحس قد أيه في ناس فعلا مميزين في معرفتهم وموهبتهم..

هو عالم جميل وأهدأ إلى حد ما من الفيس اللي بقى يتعب الأعصاب والله :(

شكرا لكِ كثيرا ومبسوطة بمعرفتك :)

Salma Hesham Fathey يقول...

عزيزتي حنين

والله منورة بيكم طبعا ومبسوطة جدا إني أنضم ليكم .. ونسانة بيكم جدا

وبداية لمعرفة خير إن شاء الله :)

Salma Hesham Fathey يقول...

اختي العزيزة نيسان .. نورتيني

ووضعت بالفعل أول موضوع أهو .. وشكرا لتشجيعك :)