ضلمة .. وسكون ..
شششششش .. الكهف كبير ومخيف وإحنا داخلينه شوية شوية
.. إشي كتابات ع الحيطة ونقوش
فراعنة .. إشي ضل كبير أكبر مننا بنلاعبه
وبيلعب بنا .. داخلين على طراطيف صوابعنا
ومعانا الشعلة .. نستكشف ونلف
حوالين الصرح الضخم ..
والصرح ترابيزة صالون
.. والكهف حيطة بيت .. والنقوش شوية صور ع الحيط
... ورفيقي ف الاستكشاف أخويا .. والشعلة
فانوس بالبطارية ... والإحساس منوّر
جوا طفلة.. والزمن زمن جميل في ليلة رؤية هلال الشهر
الفضيل.
 |
| عدسة سلمى |
هناك 5 تعليقات:
الإحساس منوَر....الله :)
كل سنة و إنتِ بألف خير و هنا إنت و أسرتك
ذكريات طفولة مش ممكن تتنسي
مع كل رمضان بنفتكرها كأنهاامبارح
كل سنة وانتي طيبة
الله على الذكريات
كل سنة وانتى بالف خير:))
شهر كريم علينا كلنا:)))
تعيشي و تفتكري..و يارب دايما يفضل الأحساس منور..و يارب دايما رمضان يعود عليكي و على كل الأسرة بخير و يمن و بركات..و كل سنة و انتي طيبة
كانت هي كل مرة تغلط و تعلق بحسابي، شفتي المرة دي انا غلطت و علقت بحسابها !!ههههه..أثار صيام باين !!
إرسال تعليق